हाम्रो यात्रा तीन दिन र करिब ११ सय किलोमिटर थियो । त्यसको लागि ग्लोरी ५८० हामीसँग थियो । डिएफएसकेले इन्डोनेशियामा उत्पादन गरेको ग्लोरी ५८० ग्राहकहरुको रोजाइमा पर्दै गएकाले हामीले पनि यसको टेष्ट ड्राइभ गर्ने निधो गरेका थियौं । हाइवेको यात्रामा निस्केकाले यसमा रहेको सिभीटी गियरबक्सले चालकलाई निकै सहज बनाएको थियो ।

पहिलो दिन विहान ५ बजे सुरु भएको हाम्रो यात्रा कोटेश्वर, बनेपा हुँदै सिन्धुली हुँदै बर्दिबास र त्यहाँबाट महेन्द्र राजमार्ग हुँदै मेची पुग्नु थियो । जापान सरकारले २२ वर्ष लगाएर बनाएको बनेपा-बर्दिबास (विपी राजमार्ग) पर्यावरणलाई असर नगरि बनाइएको बाटो हो । यसमा रहेको घुम्ती देशमा मात्र होइन विदेशमा समेत प्रख्यात छन् । यहाँ गाडी चलाउन सधैँ रोमाञ्चक लाग्छ । अझ नेपालको सबै टेरेनको अनुभव गर्न सकिने यो बाटोमा नयाँ कारको टेष्ट गर्न निकै उपयुक्त रहेको छ ।

बाटोमा रहेका सार्प घुम्तीहरु, उकालो-ओरालोले कार चालक तथा कारमा रहेको प्यासेन्जरहरुलाई समेत थ्रिल अनुभव हुने रहेछ । हामीले चलाएको ग्लोरी ५८० एक सेभेन सिटर कार हो । यस कारमा सात जनासम्म सजिलै यात्रा गर्न सकिन्छ । पछाडिको सिटमा भने दुईजना मात्र यात्रा गर्न सकिने रहेछ । वीचको सिटमा आरामसँग ठूलो साइजका दुईजना र औषत साइजका ३ जना बस्न मिल्छ । वीचको सिटलाई अगाडि पछाडि सार्न मिल्ने तथा इनक्लाइन तथा डिक्लाइन समेत गर्न सकिन्छ । दुई सिटको वीचमा रहेको आर्मरेष्ट र त्यसमा रहेको दुईवटा कप होल्डर निकै उपयोगी छ । अगाडिको ड्राइभर तथा पेसेन्जर सिट चार तरिकाले मिलाउन मिल्ने रहेको छ । यस एसयुभीको सबै ७ वटा सिटमा हेडरेष्ट दिइएको छ भने सिटमा सफ्ट लेदर प्रयोग गरिएको छ । क्याविनमा रहेको सनरुफले हाइवेको यात्रामा फ्रेस एयर गाडीमा भित्र्याउन सहयोग गर्छ ।